東京睇樓遊記(一)港人日本搶樓實況

2013/12/30 上午 02:36:33

上星期去了一個星期東京睇樓同簽約，今次去日本之行令我對當地經濟環境了解多左同做埋實地考察，對我日後再買日本樓，係地區決定同物件選擇有好大幫助。同係網上睇資料差好遠，亦加強我對投資日本樓嘅信心!!

在我出發去日本前幾日，我去左民玫事務處道宣誓個圖章用途。因為去日本買樓簽文件或到銀行開戶口都係用圖章，而唔係簽名的，所以要宣誓個圖章係代表你本人。我係民政事務處填完份Form比個職員check文件時，

職員:你宣誓用來做咩?

我:去外國用。

職員:係唔係去日本用?

我:你點知??

職員:日先有個男仔同你一樣宣2個圖章，呢個月多左好多人做，差唔多日日都有!

我:禁勁!!

係東京同跟我個case個仲介傾談中，發現真係多左好多香港人買樓!

我:你地最近係唔係好忙??

仲介: 係呀，最近幾個月都好忙!

我:今個月你地公司做左幾多單成交??

仲介:今個月到現在(大約半個月)就做左大約三十幾單交易，其中有大約有廿單係香港人買!其他的就日本人多!

我:禁多香港人買??

仲介:係呀，佢地好多都唔洗睇樓，直接係香港簽約!大約一年前，我地一個月都係得2,3單交易，最近真係多左好多生意!

最後，就係回港當日早上，我想增取時間睇多D盤，叫個仲介安排下，但係佢話因為當日有香港客人簽約，同有其他日本客人睇樓，所以安排唔到盤比我睇!我話你可唔可以搵同事同我去一D我想去睇車站附近睇下同實地考察下，佢話盡量安排!最後佢地只能夠搵公司入面個女文員同我到車站附近行下做導遊，佢地真你忙到死!

原來好多香港人都同我一樣，已經開始係日本投資物業!

http://blogcity.me/blog/list_blog_express.asp?f=N8NIYEX6R4239384